WIR ando 20to merc ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 6to merc, 10.45 orenge ando ORF 2, jek muschikano dikipe ando burgenlanditiko thaneskero talalinipe, i Romantic Death Metal-banda angle tumenge terdscharas, taj te meg jek schukar tschavengero musical taj jek sikajipeskero- taj maturakero mulatintschago kher rodas. Taj amen meg jefkar le dschend pal anas, kipenca jeke barikane schijiskere divesestar taj khetan patrajakere kuki feschtinas.

WIR ando 6to merc ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 6to merc, 10.40 orenge ando ORF 2, uso but tschibtschakero vakeripeskero beverb „Sag´s multi“ tumen amenca las, pedar o arvirkinipe le planime harnjaripendar le latajniskere siklipeske upre avre tschibtscha phukavas, duj barikane dschuvla tumenge angle terdscharas, o Romano Mulatintschago kher rodas taj eknaj kartschi khelas.

33ti Romano Mulatintschago | Jek mulatintschago le mindenfelitikostar

Jek keverinipe andar tradicija, temperamento taj dschivipeskero voja. Ada o Roma taj o gadschi imar sajt 33 berscha uso Romano Mulatintschago terdschin. O schukar flogosker grupnengero mulatintschag te adabersch jek barikano punkto ando burgenlanditiko mulatintschagoskero kalenederi hi. O reporteri Adi Gussak telal o kherodaschtscha gelo, o barikano hango and te astarel.

Internacijonali Di la Dajakera Tschibtschatar

Ando 21to feberi upro cilo them o Internacijonali Di la Dajakera Tschibtschatar mulatim ol. O la UNESCO-jatar ar vrischtschando gondolipeskero di sajt o bersch 2000 o barikanipe le tschibtschakere taj le kultureli mindenfelitikostar taj le but tschibtschakere vakeripestar upre sikal. Cil hi, o tschibtscha ojs barikano falato la kultureli identitetatar te arakel taj odolenge te pomoschinel.

Raklo Weinrich | Gitaraschi ando sikavipe

But Roma taj Sinti andar muschikakere familiji an. Afka te o Raklo Weinrich. Leskero phral Zipflo Weinrich ojs barikano jazziskero hegedujaschi prindschardo sina. O Weinrich dschi adi na schofintscha o baro muschikakero jerinipe, ham akan neve te kesdinel kamla. O reporteri Adi Gussak le gitaraschi Betschiste kher rodija.

Renate Holpfer | Ando sikavipe

Ando aktujeli ardipe la sendungatar Roma sam, i Renate Holpfer pedar lakero but berschengero phandipe uso Romengero khetanipe vakerel. La ando bersch 1961 Ujvarate upro them ali suditiki burgenlanditika, imar ande lakero tschavoripe erschti kontaktscha Romenca sina taj lengero khetanipeskero entviklinipe sajt oja cajt barikane vodintscha.

WIR ando 20to feberi ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 20to feberi, 10.40 orenge ando ORF 2, andi opera taj use jek barikano patijaripe tumen amenca las, pedar jek nevo schtudentschengero farajn phukavas, akor papal upro jomakero rodipe pal naschade Romengere sidlungtscha amen keras, paloda sikavas tumenge so pe uso burgenlanditike ungrike ando lejcti 35 berscha kertscha taj jeke burgenlanditike horvacke uso anglutne butja le karnevaliske andi Venecija vodinas.

Romano Dikipe | ORF 2 Burgenland | 8to feberi

Ando aktujeli ardipe la sendungatar Romano Dikipe phukavas pedar i naschadi Romengeri sidlung andar Lackenbach, pedar o artschijipe „Amen sam demokracija“, savo ando parlamento prado ulo, jek vakeripe le bare raschajiha Ägidius Zsifkovics sikavas taj o gondolipeskero mulatintschago upro atentato Erbatar.

Palgondolipe la cukunftake: 31 berscha palo atentato Erbatar

Angle 31 berscha use jek bibastalo atentato Erbate, schtar Roma murdarde ule. Uso sako berschengero gondolipeskero mulatintschago, organisirim la Romengera pastoraltar la diöcesejatar Tikni Martona, upro opfertscha pal gondolim ol.

WIR ando 6to feberi ando ORF 2

Ande amaro arto ardipe la sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI, paraschtujake, ando 6to feberi, 10.40 orenge ando ORF 2, but tschibtschakere jegoskere hokejiskere khelaschtscha kher rodas, jek latschi horvacki schahani sumi tumenge upro stolo terdscharas, akor jek tradicijoneli mulatintschago le slovenitikendar andar Kärnten kher rodas taj jek vodschikani historija jeke murschestar schunas, savo ando bersch 1956 le komunistschendar naschi gelo.